Davao City – Nag-unang adunay katungod aron batukan ang depresyon aron dili mosangpot sa pagpakamatay ang usa ka tawo mao ang iyang kabanay o sakop sa pamilya.
Sumala sa tigpamaba sa Department of Education (DEPED-XI) nga si Jenelito “Dodong” Atillo, kinahanglang dili pasagdan sa iyang mga sakop sa pamilya kung ang usa sa membro niini namatikdang lahi na ang iyang pamatasan tungod sa gisagubang nga suliran nga mosangko sa depresyon. Matud ni Atillo, dili siya pasagdan, konsultahon, giyihan, pasabton ug estoryahon kung dunay bug-at nga suliran.
Giingon sa tigpamaba ug kanhi magsisibya sa DXDC RMN Davao, usa sa sintomas sa tawo nga dunay depresyon mao ang mamahimo na siyang maulawon, dili na siya makighiusa ug magpalahi na. Matud ni Atillo kini nga mga timailhan nagkinahanglan na siya og pagtagad aron malikayan ang paghunos sa iyang kinabuhi.
Samtang gipasabot usab ni Atillo nga ang eskwelahan duna puy responsibilidad sa mga tawong adunay depresyon gikan sa mga magtutudlo ug estudyante, apan giklaro usab niya, ang pagpakgang sa depresyon responsibilidad kini sa tanan gikan sa pamilya hangtod na sa katawhan.
RayoMaN Bernard Pantallon
