Sarangani Province—Depression ug obsession sa kapuyo maoy gituohang hinungdan sa paghikog sa usa ka Abner Andog, 24 anyos nga taga Crossing Puting Bato, Barangay Gumasa, Glan, Sarangani Province.
Subay sa inisyal nga imbistigasyon sa Glan PNP, nasayran nga alas 5:15 sa hapon dihang nakaplagan nalang sa iyang inahan ang biktima nga nagbitay ug wala nay kinabuhi sa payag sa ilang pugon, 5 metros ang gilayuon gikan sa ilang panimalay.
Sa pakighinabi sa kapulisan sa pamilya sa biktima, posibleng nadismaya ang biktima human nga miuli sa ilang panimalay ang iyang kapuyo . nadugang pa sa kadismaya niini human nga iyang nasayran nga adunayb nagapanguyab sa iyang live-in partner.
Nasayran nga ayha nahitabo sa pagpakamatay sa biktima nagpakita na kini ug mga timailhan pinaagi sa mga post niini sa facebook. Samtang gikumperma usab sa pamilya sa biktima nga dili kini ang unang higayon nga nagpakamatay ang biktima gumikan kaniadto gisuwayan usab niini ug kutlo ang iyang kinabuhi.
