Davao City – Usa sa nakitang hinungdan sa depresyon ilabina sa kabatan-onan ang makuha nga mga inpormasyon gikan sa social media.
Sumala ni Atlanta Yap, Luna Legal Resource Center for Women and Children Program Officer, tungod sa makita o makuha nila nga mga kasayuran gikan sa social media makahatag kini og pressure kanila sama sa usa ka butang nga attractive kaayo alang kaniya nga gustong niyang makuha apan dili niya makuha tungod kay dili tinuod ug uban pang mga butang nga makahatag ug dili maayong impresyon kanila.
Matud ni Yap usa sa himuon aron malikayan ang depresyon ilabina sa mga teenagers, kinahanglan abli kanunay ang kominikasyon tali sa ginakanan ug anak aron mahisgutan ug matabangan kung dunay problema ang usa ka bata. Dugang pa ni Yap, pakusgan ang kampanya o pag-edukar sa mga tawo kabahin sa mental health aron malikayan ang depresyon.
RadyoMaN Bernard Pantallon
