Family support alibyo sa depression

16

Davao City – Seryoso ang sakit nga depresyon nga angay sab trataron og maayo ug dapatan og tambal aron dili mu-sangko ug masalbar pa ang usa ka batan-on gikan sa pagpakamatay.

Dako og tampo sa depresyon ang bungkag nga pamilya, pagsalikway kun dili pagdawat sa katilingban, ug ang ubos nga performance sa pagtungha sa mga batan-on karon.


Ang maong mga batan-on nga nagpakita sa sintomas hinanali nga intervention sa mental health experts ang gikinahanglan aron masalbar sila gikan sa depresyon ug pagsuicide, matud ni Principal Florendo Jacinto sa Buhangin Central Elementary School.

Apan ang problema dili makatabang ang mga magtutudlo sa ilang mga estudyante hatud sa kakuwang sa training ug kahibalo sa counseling maong dili mapunggan ang mga batan-on sa pagpakamatay.

Segun ni Jacinto, usa sa mga rason ngano magdumili og counsel ang mga magtutudlo tungod sa peligro ug pressure sa mga suliran ug kung dili makayanan basin masakit na hinoon sila og depresyon.

Epektibo unta nga pang-alibiyo sa depresyon ang family support apan kay bungkag ang pamilya daghan ang wala matabangi nga makalingkawas gikan sa depresyon hinungdan misaka ang ihap sa mga nagsuicide karon.

Rekumendasyon ni Principal Jacinto, tun-an og maayo ang hingpit nga pagmugna og mental health ug pagprodyos og mga iksperto sa pagtubag sa depresyon ug suicide nga nahitabo karon sa mga batan-on.

RadyoMaN Joel Viray

Facebook Comments

From Advertisers