Davao City – Kinahanglan sumala pang dili maulaw nga mangayo og advise kun tambag kung ikaw nakasinati sa depresyon.
Sa intebyu sa DXDC RMN Davao kang Reymark Sarabosing, usa na ka licensed professional teacher nga nakasinati kaniadto og depresyon, gibutyag niini nga niadtong panahon sa iyang pag take sa Licensure Examination for Teachers (LET) daghang mga negatibong butang ang muabot sa iyang huna-huna.
Gibutyag ni Sarabosing nga makasamot sumala pa sa depression ang pamokmok sa balay o pag-inusara.
“Dili lalim uy. Grabe sige ko’g huna-huna og mga negative pero at the end, kailangan gyud nimo labanan og mghuna-huna nga makaya ra nako ang akong depression,” saysay niini.
Dugang niini nga kinahanglang mangita og higala nga makahatag og maayong tambag ingon man lingawon ang imong kaugalingon sa maayong mga butang.
Nasayran nga karong adlawa, October 10, 2019 i-komemorar ang World Mental Health Day sa tibuok kalibutan isip pagpakusog sa adbokansiya batok sa maong problema nga sagad masinatian karon sa mga kabatan-onan.
RadyoMaN Kirby Manzon
