General Santos City— Patay si Police Senior Inspector Hernan Gabat, ang Deputy station Commander sa Polomolok Municipal Police Station human sa nahitabong pagpamusil sulod sa usa ka kan-anan sa may national Hi-way sa Prk. Pag-asa, Brgy. Magsaysay, Polomolok, South Cotabato.
Sumala pa nga alas 11 pasado ang takna sa gabii dihang misulod kini sa Mang ephoy lechon house uban ang duha niini ka mga kaubanan nga silang Rio Salig Sr. ug Karl Plomollo nga usa s amga personahe sa Bureau of Fire Protection aron sa pagkaon ug magpahigayon ug intelligence monitorning.
Apan, pipila ka minuto human silang makalingkod, kalit matud pa nga miabot ang mga suspek ug dayon nagpabuto ug armas padulong sa direksyon ni PSI Gabat kung asa igo kini sa wala nga bahin sa iyahang kilid rason nga natumba.
Gidali pa ug dala sa balay tambalanan si PSI Gabat ug Plomillo, apan gideklarang dead on arrival ang opisyal nga pulis.
Basi sa inisyal nga imbestigasyon, posibleng adunay kalabutan sa iyahang trabaho isip pulis ang motibo sa maong pagpamusil kung asa padayon pang ginasuta ang ilahanan sa mga suspek.
