Un des-esperao persona el ya guinda na hospital y bien grabe despues le intencionalmente ya sindi el disu pusento adentro del dila casa na barrio de Lunzuran enantes aga.
Asegun con el barrio capitan del Lunzuran si Joel Jose, el incidente ya sosede pasada alas 7 del aga na Phase 3, Urban Poor particular na casa di Manonito Elvina, Jr., 50 anio de edad.
Con Elvina ya lleva entabla na hospital quien ya sufri 3rd degree quemadura na su cuerpo.
El incidente ya sosede cuando si Elvina adentro del pusento y ya sindi este con maga almujada y manta hasta ya queda grande el fuego.
Amediante ta queda grande el fuego, nohay si Elvina sale pa afuera porcausa suicidio el disuyu intencion.
Pero dayun tambien ya puede afasigua el maga besinos con el fuego y nohay mas este queda grande mientras si Elvina ya sale quemao parcialmente el cuantos parte del su cuerpo.
Des-esperao si Elvina na vida porcausa asegun consu salud.
