Davao City – Gibunalan og kahoy ang usa ka estudyante alas 12:30 kadlawon niadtong milabayng adlaw sa Purok 2 Barangay 5-A Bankerohan ning siyudad sa Davao.
Base sa blotter sa San Pedro naila ang biktima nga mao si Jeremiah Torreon, 19 anyos samtang ang suspek nga bana sa iyang ig agaw nailang si Anthony Ramano, 19 anyos parehong nagpuyo sa nasangpit nga lugar.
Matud pa naglalis ang biktima ug ang suspek ug tungod sa kasuko ni Ramano mikuha kini og kahoy dayon bunal sa biktima hinungdan nakaangkon kini og bun-og sa kalawasan.
Wala na mipatol ang biktima ug nagpalayo apan gisundan gihapon kini sa suspek ug gihapak og bato.
Human sa hitabo ang biktima igo nalang sa nagpablotter sa San Pedro ug giadbaysan na lamang sa kapolisan nga magpatambal sa ospital.
RadyoMaN Don Pulayao
