***NEGROS OCCIDENTAL* – Lunsay ginarespeto nanday Negros Occidental Governor Alfredo Marañon Jr. kag Oriental Negros Governor Roel Degamo ang nangin desisyon ni Pang. Rodrigo Duterte nga pahalinon si Mike Sueno bilang DILG secretary.
Apesar sini, nagasalig ang duha ka mga gobernador sang Negros nga padayon nga suportahan sang opisyal nga magabulos kay Sueno sa DILG ang Negros Island Regional – NIR.
Angut sini, ginpahayag naman ni DILG Undersecretary JV Hinlo nga wala kay Sueno ang palaabuton sang NIR kundi yara ini sa kamot ni Pang. Duterte.
Ginapangako ni Hinlo nga samtang yara pa siya sa DILG, padayon niya nga iga lobby ang retention sang NIR kag sa pagkamatuod, siling ni Hinlo nasugilanon na niya si Pres. Duterte angut sini kag naghambal ang pangulo nga padayon niya ini nga ginatun-an./*dyHB BACOLOD*
