9 ka tuig human natigayon ang mangilngig nga Massacre sa Maguindanao nga gikamatay sa 58 ka tawo diin 32 niini pulos journalists niadtong Nov. 23, 2009, sa dili madugay ila na gyud n ga madunggan ang hukom batok sa mga suspetsadong responsabli sa kremin.
Gibutyag ni Acting Prosecutor General Richard Anthony Fadullon nga base sa impormasyon gikan sa ilang prosecution panel, ang kaso batok kang Datu Andal Unsay Ampatuan Jr. kansa maoy prime suspek sa ngilngig nga massacre ang gisubmitar na aron desisyonan sa korte ug gani niadtong Nov. 5, si Ampatuan Jr. misubmitar sa iyang formal offer of evidence.
Dugang pa ni Fadullon, nga gilauman nga si RTC Judge Jocelyn Solis-Reyes mag set ug promulgation sa kaso kung asa iyang desisyonan kung convict o ma-acquit si Ampatuan ug uban pang akusado.
Samtang si DOJ Secretary Menardo Guevarra nagbutyag nga iyang gilauman nga desisyunan na sa RTC ang maong kaso sa unang quarter sa tuig 2019. Kampante sab kini nga magpresenstar ug lig-on nga ibedensya ang prosecution.
Nasayran nga mukabat sa 197 ang akusado sa maong massacre ug 103 niini ang padayon pang gitaral sa karong multiple murders, apil na ang prime suspect nga si Andal Ampatuan Jr.
Apil sa mga gikasuhan silang Zaldy Ampatuan ug Datu Sajid Islam Ampatuan apan nakagawas human nga gitugtan sa korte nga makapyansa niadtong tuig 2015. Apil usab nga gikasuhan si former Maguindanao Gov. Andal Ampatuan Sr. kansa namatay sulod sa iyang silda niadtong July 17, 2015.
