*DESTROSO NA INFRASTRACTURA NA CALAMIDAD YA ALCANSA 6.6 MILYONES*
Ya reporta el oficina del inhinyero del ciudad que ya alcansa na cantidad de 6.6 milyones de pesos el causa de destroso que ya ocuri durante el ya pasa Avenida y storm surge aqui na ciudad de Zamboanga.
Este resulta del inisyal assessment que ya conduci el mensyonao oficina na deferentes mga barangay que donde asegun con el official encargao del oficina si Engr. Christopher Navarro, el destroso ta incluji el mga slope protection projects na Riverdale extension in Sta. Maria, Barigon na Tugbungan y Mormons Drive na Tetuan, lo mismo el shoreline protection facilities na Labuan, Miluao na Patalon, Balicacas na Patalon y Malandi mismo na Patalon.
Asegun con Navarro, presentamente, ta continua pa el su mga personajes conduci el mas del evaluasyon del losdemas pa mga destroso na mga infrastractura na mga barangay que nuay pa sale reportao na diila ofisina. – *Bhong Simbajon/RMN News*
