General Santos City–Gikumpirma ni Maasim Municipal Mayor Zyrex Pacquiao nga duna gayuy nahitabong engkuwentro tali sa mga sundalo ug mga rebeldeng grupo sa Brgy.Kablacan, Maasim, Probinsiya sa Sarangani.
Sumala pa sa Mayor nga giharass sa wala mailhing grupo ang detachment sa 37th IB sa Phil.Army niadtong milabay nga gabie asa gilabayan kini ug granada nga maayo nalang didto misulod ilawom sa bonggo ug didto mibusikad hinungdan nga walay mga sundalo ug sibilyan ang nasamdan.
Saysay pa sa opisyal nga mi-abot hapit usa ka oras ayha mi-undang ang buto-buto sa armas human nga gigukod sa mga sundalo ang mga rebeldeng grupo.
Nagtuo usab ang opisyal nga kadtong mga rebeldeng grupo nga nangharass sa pipila ka lugar sa Maasim ang posibleng maoy milabay ug granada sa detachment sa Philippine Army.(RV)
