Maga pulis del Sinunuc Police Station ya puede otravez aresta con un detenido del Biernes tarde quien ya escapa del Webes meintras encamino sila para na estacion.
Banda ala 1:15 del tarde cuando el maga pulis na encabesamiento di Chief Insp. Ramon Bautista ya apunta na Purok 3, na Sinunuc donde ya puede sila aresta otravez con Saydi Aming Taup.
Con Taup ya detene otravez na estacion del Sinunuc despues del disuyu aresto.
Acordando, del Huwebes tarde si Taup y otro uno detenido estaba na Hall of Justice donde muntao estos na vegiculo del pulis tiene maga police escort y mientras encamino sila para na estacion del llegar na Purok 3 na Sinunuc, derepente ya salta si Taup.
Ya entabla este na maga caserias mientras de posas pa le.
Del Biernes tarde tiene quien ya informa con el pulis aserca el presencia di Taup donde ya resulta na su aresto.
