Nibutho sa buhatan ni Police Regional Office-7 Director , Chief Supt. Debold Sinas ang mga opisyal sa barangay Tejero human naalarma sa balita nga usa sa ilang kauban , gipasanginlang protektor sa gitawag ug “tres Marias” sa ilang lugar .
Ang Tres Marias mao ang tulo ka magsoong mga babaye nga giilang bigtime drug supplier sa barangay Tejero .
Apil sila sa nadakpan sa one time bigtime operation sa kapolisan sa niaging semana .
Ang nadakpan nga magsoong babaye gitumbok sa kapolisan sa syudad sa Sugbu nga maoy hagbonganan sa suplay sa shabu ug sila na ang moapod-apod niini ngadto sa mga drug pusher .
Nasayran usab nila nga ang mga suspek giduphan sa usa ka politiko sa barangay .
Kini maoy hinungdan nga ang mga opisyal sa barangay Tejero pinanguluhan sa ilang kapitan nga si Hermogenes Galang Jr , nakigkita ni Sinas sa PRO-7 .
Nipaubos usab sila sa drug test uban sa pangu sa City Office for Substance Abuse Prevention o Cosap nga si Gary Lao.
