Diabetes, ginakabig nga top-6 killer disease sa Roxas City sang 2018 base sa datos sang City Health Office!

Roxas City, Capiz- Ginaduso subong ni Committee on Health chairman kag City Councilor Dr. Cesar Yap Jr ang isa ka ordinansa nga maga-require sa mga residente sa tagsa ka barangay sa Roxas City nga magpaidalom sa libre nga diabetes test ukon blood sugar testing.
Ini ang bangud man sa maka-alarma nga pagsaka kada tuig sang numero sang nagakalamatay bangud sa nasambitan nga balatian.
Base sa datos sang City Health Office(CHO), tuig 2015 wala pa madala sa top- 10 killer disease sa Roxas City ang diabetes apang sa kada tuig amat- amat nga nagasaka ang rangko kag sang 2018 nagplastar na ini sa top- 6 killer disease.
Sa ginaduso nga ordinansa ni City Councior Yap, ginaproponer sini nga mahatagan sang libre nga bulong ang mga pasyente nga nagasuprer sang amu nga balatian.
Nahibaluan nga sang nakaligad nga semana, gin-obserbar ang National Diabetes Awareness Month.

<www.avast.com/sig-email?utm_medium=email&utm_source=link&utm_campaign=sig-email&utm_content=webmail>

Facebook Comments