Bali ang nawala nga tiil sang isa ka pulis matapos makabunggo ang ginasakyan sini nga motorsiklo sa isa ka truck sa national highway sa barangay Bacuranan, Passi City mga ala-una kaina sang hapon (Agosto 2).
Ginkilala ang biktima nga si Police Corporal Ronaldo Arsula, 28 anyos sang Bakhaw, Mandurriao apang na-assign sa Altavas Police station sa Altavas, Aklan.
Base sa imbestigasyon sang Passi PNP, ginapahayag nga mga ala 1:05 sang hapon samtang nagadrive sang iya motorsiklo ang biktima sang disgrasya nga nakabunggo ini sa truck nga ginamaneho ni Rey Caritatavito, 38 anyos sang barangay Tuble, San Dionisio, Iloilo.
Nakaagum sang bali sa nawala nga tiil si Arsula kag gilayon nga gindala sa Passi city District Hospital apang ginsaylo sa Iloilo Mission Hospital.
Yara naman sa custody sang Passi City PNP ang driver sang truck para sa nagakaigo nga disposisyon.
