General Santos City—Aminado karon ang mga personahe sa Dr. George Royeca Hospital ning dakbayan sa Gensan nga ubay-ubay na ang mga nahidangat sa maong balay tambalanan aron nga mag-inquire ug mu-avail sa bag-ong Dialysis Machine sa maong tambalanan.
Subay sa pahayag ni Mauring Eltagonde miyembro sa CSU nga naasign sa ospital nga ubay-ubay na ang nagaduol klanila aron nga mangutana unsaon nga makaavail sa libreng dialysis sa gobyerno.
Apan sumala niini nga hangtud karon dili pa tin-aw alang kanila kung kanus-a gyud sugdan ang paggamit sa maong himan gumikan kay sa ilang kasayuran gipailawom pa sa pagbansay ang mga personahe nga maoy mudumala niini.
Kahibaluan nga sa nakalabayng semana lang gipahigayon ang blessing sa Dialysis Center sa Gensan City Hospital sa diin gipangunahan kini ni Gensan City Mayor Ronel Rivera ug gitambungan sa DOH 12 ug Kagawad Lita Nunez nga maoy chairman sa komitiba sa Panglawas sa konseho. (Kasamang Jordan Britos)
