Davao City – Giduso ni Senador Sonny Angara ang Senate Bill no. 1329 o ang Dialysis Center Act silbing tubag niining nagkadaghang ihap sa kaso sa mga namatay sa sakit sa kidney dinhi sa Pilipinas.
Ubos niini nga balaodnon matagaan og libreng dialysis ang mga kabus nga mga pasyente.
Sulod sa giplanong imuntar nga mga dialysis ward sa national, regional ug provincial hospitals anaay kumpletong dialysis Machine, mga kahimanan og igong mga suplay para sa dialysis.
Kung kini mapasa nga balaod, gibutyag ni Angara sa iyang pagbisita sa Davao City karong adlawa nga mamahimo na nga competitive ang mga dialysis center sa mga pampublikong hospital tungod kay andam kini sa serbisyo sa bisan asa sa rehiyon sa nasud.
“Gusto natin at least in every region sana at a very minimum in every region merong mapupuntahan ang tao para hindi masyadong magastos diba? kaysa lilipad pa siya?,” sumala sa senador.
Segun niini nga kadaghanan sa mga pasyente namatay tungod wala kiniy kapasidad nga mopailawom sa dialysis.
Nasabtan usab sa senador nga kinahanglang magdugang og mga doktor ug mga nurse sa matag pampublikong ospital para sa paspas nga serbisyo sa mga katawhan.
Gipasabot sa senador nga pending pa ang maong bill sa committee on health tungod sa budget sanglit priority karon sa senado ang Bangsa Moro Basic Law kon BBL.
RadyoMaN Yaku Mausisa- JMC interns
