Davao City – Nagpasidaan ang Department of Information and Communications Technology (DICT) Region XI sa publiko batok sa mga indibidwal kun grupo nga nag-angkon nga representante sa DICT alang sa pagpamalit kun pag-abang og yuta para sa telecommunication towers kun uban pang proyekto sa imprastraktura.
Matud pa sa DICT nga wala sila’y koneksyon ug wala mag-authorize sa bisan kinsa nga mangolekta og bayad, facilitation fees, komisyon, kun uban pang monetary consideration para sa mga programa ug proyekto sa ilang ahensya.
Subay niini, gipasidan-an usab ang mga landowner ug stakeholder nga mag-amping ug mangayo og klarong ebidensya sa awtoridad ug lehitimong kapasidad sa mga nag-angkon nga representante sa Mobile Network Operators (MNOs) kun Independent Tower Companies (ITCs) sa pakig-coordinate sa DICT.
Gani, aron malikayan ang misinformation, gi-awhag ang publiko nga i-verify una ang tanang claims sa pinakaduol nga DICT Provincial Office kun sa DICT Regional Office XI una moapil sa bisan unsang kasabutan.
RadyoMaN Wil Duran
Facebook Comments
