Diego Silang Elementary School magpatabang

25

Davao City – Plano karon sa Diego Silang Elementary School sa Punta Dumalag 1 ning syudad sa Davao nga ipaabot kang Davao City Mayor Sara Duterte ang ilang problema kalabot sa ilang tulunghaan aron kini gilayong ma-aksyunan.

Sa interbyu sa DXDC RMN Davao kang Wilma Mogas, magtutudlo sa eskwelahan gibutyag niini nga subay sa pagsuta sa engineering department sa Department of Education (DepEd), dili na sumala pa luwas ang eskwelahan tungod sa mga mga ‘cracks’ nga nasuta human sa nasinatiang sunod-sunod nga linog, rason nga gisuspende na ang klase sa mga estudyante sa maong gambalay.


Sa pagkakaron, gisugyot nga didto una musulod sa Matina Aplaya Elementary School ang mga estudyante.

“Kay atong higayona nga nag meeting mi, naa pud ang presensya sa Matina Aplaya Elementary School nga principal ug willing siya nga muhatag sa amoa og classrom para amoang klasehan hangtud nga naa nay solusyon para sa amoang problema,” saysay ni Mogas.

Nagapaabot na lamang usab ang tulunghaan kung unsa ang mamahimong rekomendasyon sa DepEd human kini gideklarang ‘unsafe’ nga gamiton tungod sa dili maayo niining kondisyon.

RadyoMaN Kirby Manzon

Facebook Comments

From Advertisers