Davao City- Nagtoo si Baliok Police Station Chief of Police Major Romeo Mapanao Jr., dakong ikatabang ang pagmuntar og digital monitoring kontra sa mga disgrasya sa Dumoy Road, Davao City, human namatikdan nga walay kahadlok, ang ubang mga driver sa truck ug wing van sa kusog nga pagpadagan, gumikan nasayud sila nga walay centralized monitoring nga gibutang ug ngitngit ang maong dapit.
Segun ni Mapanao, kung adunay centralized digital monitoring, hayan maghinay-hinay og padagan ang mga sakyanan ilabi na ang mga truck, diin na-obserbahan niya nga inig human sa oras sa truck ban, maglumbaanay og padagan ang mga truck nga moresulta sa disgrasya.
Subay sa datos, unom na ang namatay hatod sa disgrasya sa Dumoy road ug ang ulahi mao ang bag-ong pasado sa Medical Technology Licensure Exam nga si Lyara Martin Marcito, kinsa naligsan sa Wing Van nga gimaniho sa usa ka Renato Garciano.
RadyoMaN Joel Viray
Facebook Comments
