Madamo sang reklamo nga nabaton ang Department of Interior and Local Government ukon DILG 12 batok sa mga barangay officials nga nagabayolar sa guidelines sang ginapatuman nga enchanced community quarantine tungod sa paandam sang coronavirus disease ukon COVID-19. Ini ang nangin kumpirmasyon ni DILG 12 Regional Information Officer Arthur Condes.
Suno kay Condes kadam-an sa reklamo nga ginahaboy batok sa pipila ka mga barangay officials amo ang pagpatuman sang kaugalingon nila nga polisiya nga wala nakabase sa guidelines nga nabalhag sa ECQ.
May-angot sini, bilang aksyon sang ahensya ginapaintiendi nila ang mga ini agud mangin tama ang implementasyon sang ECQ matapos nga may pipila na ka mga gobernador kag alkalde sa pungsod ang ginpadal-an sang showcause order tungod sa pagpatuman sang kaugalingon nga guidelines kapareho sang indi pagpasulod kag paagi sang mga salakyan nga may dala nga pagkaon kag indi pagpaggwa sang ila nga mga produkto.
Panawagan ni Condes sa mga barangay officials nga magsunod sa guidelines halin sa babaw kag seryosohon agud nga pagkatapos sang problema sa COVID-19 indi magpadayon ang krisis nga atubangon.
