Pormal na nga ginturn-over kahapon nga adlaw ni Department of Interior and Local Government ukon DILG 12 Regional Director Josephine Leysa, CESO III sa Local Government Unit sang Tantangan ang P20 million nga kantidad sang Tantangan Public Market Building.
Sa mensahe ni Mayor Benjamin Figueroa sa turn-over ceremony ginpasalamatan sini si DILG Regional Director Leysa sa pagtinguha nga mapondohan ang nasambit nga proyekto.
Nagapati naman si Mayor Figueroa nga ang kada proyekto ang ginakabig nga isa ka “legacy” nga dapat suno pa nga pasalamatan sang komunidad.
Yara man sa nasambit nga aktibidad si Vice Mayor Timee Joy Torres- Gonzales kag Assistant District Engineer Benedicto Amido sang DPWH 2nd District Office.
Nahibaluan nga ang DPWH South Cotabato 2nd District Engineering Office ang implementing agency sa nasambit nga proyekto nga nag-umpisa sang Abril 28 kag natapos sang Oktubre 30 sang nagligad nga tuig.
Sa ground floor sang merkado publiko sang banwa makit-an ang isdaan kag karnehan, samtang sa 2nd floor parentahan ang espasyo.
Ginalauman nga yara naman sa 43,425 ka mga residente ang makabenepisyo sang nasambit nga proyekto.
