Giaghat sa Department Of Interior And Local Government (DILG)-Bukidnon ang katawhan nga magpabakuna na batok Covid-19.
Kini ang usa sa mensahe nga gipadangat ni Provincial Director Engr. Enrique Libot sa DILG Bukidnon atol sa Rmn Dxmb Malaybalay Interview.
Sumala niya nga importante gyud kaayo nga magpabakuna ang katawhan aron nga makab-ot ang herd immunity og mabatokan ang pagkuyanap sa Covid-19.
Dugang ni Engr. Libot nga nagpalikod sila sa Department Of Health (DOH) sa ilang kampanya mahitungod sa pagbakuna.
Sa laing bahin, prioridad karon sa DILG-Bukidnon nga matabangan ang mga lokal nga pangagamhanan pinaagi sa Mandanas Implementation kung asa magahinan ang mga Lgu’s og pondo gikan sa collection sa Bureau Of Customs (BOC).
Facebook Comments
