Davao City – Gitakdang magpagula og guidelines ang Department of Interior and Local Government (DILG) sa pag-hire og mga contact tracers sa COVID-19 sa entero nasud.
Sumala ni DILG-XI Regional Director Alex Roldan sa interbyu sa DXDC RMN Davao, gitutukan karon sa gobyerno ang pag-set up og monitoring sa komunidad.
Gibutyag ni Roldan, kinahanglang adunay motabang sa kapulisan sa pagsubay ug pagpangita sa suspected patients sa COVID-19.
“Ang contact tracer maoy mutan-aw kung kinsa ang nastorya niadtong potential (COVID-19 positive) ug katong mga anaa sa barangay ilabina sa health emergency response teams maoy mu-check niadtong mga nakita sa contact tracers for symptoms kung duna may symptoms, mas closer siya tungod kay nag-contact pa siya atong positive then dali siyang madala sa atoang authorities,” segun ni Roldan.
Giklaro ni Roldan nga dili makaya sa pwersa sa pulis ang tahas sa pagpangita og mga pasyente sama sa nahitabo sa Matina Gallera nga dunay 10 mil ka mga tao ang gipang-trace.
RadyoMaN Aimee Guinita
