Inatasan ni Interior Secretary Eduardo Año ang mga municipal mayor na kanselahin ang mga business permits ng mga establisyimento na patuloy pa rin na nagtatapon ng dumi sa Manila Bay Watershed Area.
Sinabi ni Undersecretary Jonathan Malaya na kabilang sa mga nakatanggap ng direktiba mula kay Secretary Año ay ang lahat ng mayors sa National Capital Region , Central Luzon at Calabarzon.
Mayroong 178 na lungsod at munisipalidad ang nasa paligid ng Manila Bay Watershed Area.
Nakasaad sa memorandum na lahat ng establisyimento ay dapat makasunod sa mga probisyong the National Building Code, Fire Code, sa Code on Sanitation at ibang mga regulasyon sa pangaalaga ng kalikasan.
Una nang nag inspeksyon ang Department of Environment and Natural Resources at Laguna Lake Development Authority sa mga commercial establishments upang matiyak na sumusunod ang mga ito sa mga environmental laws.
