DILG Ilocos Norte: Empleyado ti Gobyerno Saan a Mabalin nga Agkampanya!

78

RMN Laoag – Nagpalagip ni DILG Provincial Director Regie Colisao kadagiti amin nga empliados ti gobyerno iti saanda a panagikampanya kadagiti kandidato iti may 2019 elections.

Kunana a nalawag ti pagalagadan iti Commission on Elections a maipawil kadagiti empliados ti gobyerno ti sumurot a mapan mangikampanya kadagiti supsuportaranda a kandidato.


Nagtalinaed ti kalikagum ti DILG nga agbalin a nakapapati, natalna ken naurnos ti panagkakampanya aginggana iti panagbubutos ken ti pannakaiproklamar dagiti mangabak a kandidato.

Ti DILG ti mangikampampanya a masapol a ti mangabak nga agserbi iti sumaruno a 3 a tawen ket dagiti nalinteg ti panagpanpanunutna, ken pangnamnamaan ti panagserbina kadagiti umili.

Inulitan na nga inbaga kadagiti agpapa-ay ti gobyerno iti saanda a pannakisawsaw iti politika tapno awan ti pakakwestionaranda.

Bernard Ver, RMN News

Facebook Comments

From Advertisers