Davao City – Gihatagan og paglaum sa Department of the Interior and Local Gov’t kun DILG ang mga wala nakadawat sa Social Amelioration Program kun SAP nga angay unta makadawat.
Sa interview kang DILG-XI Regional Director Alex Roldan pinaagi sa DXDC program nga Straight to the Point, mamahimong magpalista usa sa brgy ang mga indibidwal nga sa tan-aw nila angay sila makadawat ug tan-awon matud pa sa maong ahensya og pila ang sobra aron maoy gamiton sa pagpanghatag ngadton sa wala kadawat.
“Palista sa brgy. ang wala nakadawat nga angay makadawat ug tan-awon nato ug pila sobra, kay naa man nay excess, maoy gamiton nato sa pagpanghatag… Adto sa Brgy., MSWDO nganong wala naapil sa lista. Kung wala sa lista, i-text sa amoa (DILG) naa sa website kung kinsa ang mga brgy. nga wala nag post sa ilang benepisyaryo para makita nganong wala maapil,” segun ni Roldan.
Samtang nagbahad usab ang DILG nga masilotan ang mga indibidwal nga dobleng nakadawat sa ayuda sama sa mga miyembro sa Pantawid Pamilyang Pilipino Program kun 4Ps diin posibleng matanggal kini isip miyembro.
Dugang ni Roldan nga sa iyang pakigstorya sa Department of Social Welfare and Development o DSWD nga humanon usa ang pagpang apod-apod sa SAP ug ilang atimanon ang pagpasaka og kaso sa mga di dapat makadawat.
RadyoMaN Renz Barbarona
