Davao City – Gikinahanglan nga na-turnover na sa outgoing barangay officials ang property inventory ngadto sa bag-ong barangay officials una sila muluwat sa ilang katungdanan.
Sumala ni DILG XI Director Alex Roldan, rekisitos kini sa ilang buhatan ngadto sa mga barangay officials diin gikinahanglan kini buhaton aron malikay sila sa silot nga walay proper turnover ngadto sa newly elected barangay officials kinsa mulingkod sugod karong Hulyo 1, 2018.
“As of now dapat turn over na tanan or ready na because these remaining days should be the activity of the formal discussion of what are the responsibilities, unsa tong mga balaud nga nahibilin nga dapat ma-aksyonan, unsa tong mga proposals nga nasubmit sa different agencies aron naay continuity,” tataw ni Roldan.
Dugang ni Roldan nga sagad problema sa lokal nga mga opisyal mao ang posibilidad nga dili na pagtagad sa incoming barangay officials mahitungod sa kompitensiya gani nag-awghag kini nga mamahimong propesyonal na lamang kabahin sa trabaho aron dili na mubalik sa sinugdanan ang angay nga pag-uswag sa kabarangayan.
RadyoMaN Jason Amisola
