Davao City – Usa sa mga problema ug nahimong hagit karon sa mga contact tracer sa Coronavirus Disease 2019 (COVID-19) cases sa syudad sa Davao ang dili paghatag sa sakto’ng impormasyon.
Sa interbyu sa DXDC RMN Davao kang Alex Roldan, Regional Director sa Department of Interior and Local Government (DILG)-XI, gibutyag niini nga kini ang rason nga maapektuhan ang pag-identify sa mga kinahanglang i-monitor labi na kung sila nagpositibo sa COVID-19.
“Ang isa sa nahimong problema kay dunay pila ka mga na-testingan nga dili musulti sa tinuod, dili musulti sa ilang address, sa ilang telephone number. Dili man hinuon daghan,” matud ni Roldan.
Segun ni Roldan nga dako’g tabang ang contact tracers niini diin sila ang mag-identify sa mga kinahangalang ipailawom sa COVID-19 testing labi na sa ginahimo karong Aggressive Community Testing (ACT).
Niadto’ng December 1, 2020, nagsugod ang tulo ka adlaw nga ACT sa mga areas sa dakbayan nga gikonsidera’ng taas ang risgo gumikan sa taas nga kaso sa COVID-19.
RadyoMaN Kirby Manzon
