Davao City – Giawhag sa Department of the Interior and Local Government (DILG) Region XI ang Sangguniang Panlungsod nga mohimo’g aksyon batok sa Kapitan nga nalambigit sa kontrobersyal nga sabong ug paglapas sa quarantine protocol.
Matud ni DILG-XI Regional Director Alex Roldan, ang Committee on Ethics sa Davao City council ang mohimo og penalty kun sanction batok kang Barangay Kapitan Marc Cayetano ug Kagawad Romeo Mamontayo.
“Dapat kung maka-pyansa man siya mubalik siya kay maka-function pa man siya as barangay official unless kung adunay other court, ombudsman or ang Sangguniang Panlungsod muhatag og penalty sa iyaha after the investigation na i-suspend siya isip barangay kapitan and that’s the only time na i-vacate niya iyahang position until such time nga mahuman niya iyahang penalty,” sumala ni Roldan.
Hugot usab nga imonitor sa DILG- XI ang gihimong aksyon sa maong insidente.
RadyoMaN Aimee Guinita
