Davao City- Gitakdang madawat sa Department of the Interior and Local Government (DILG) XI ang order gikan sa national headquarters kalabot sa pagbawal sa karaoke ug caroling karong holiday season.
Matud ni Alex Roldan, DILG XI Regional Director, sa higayon nga aduna na ang order itunol na nila kini sa mga gobernador, municipal ug city mayors aron hingpit kining mapatuman sa publiko.
“Naghulat pa ko og official pero aduna nay mga statement nga gipagawas ang secretary, dili man gyod namo na official na mapasa unless makadawat mi’g black and white,” sumala ni Roldan.
Gitataw sa DILG nga kini ang mga measures nga ilahang gihimo base sa mga pagtuon sa mga eksperto nga maong mga aktibidad posibleng mukapakatag sa COVID-19 virus.
Subay niini pipila kini sa mga lakang karon aron mapugngan ang surge sa COVID-19 cases karong holiday season.
RadyoMaN Aimee Guinita
