Davao City – Gipahimangnuan sa Davao City Fire District ang publiko nga mag-amping kontra sa sunog karong Kapaskuhan ug Bag-ong tuig.
Segun ni SFO3 Ramil Gillado, Intelligence and Investigation Section chief sa Davao City Fire District nga sagad sa mga hinungdan sa mga sunog ang overloading, substandard nga mga Christmas lights ug mga firecrackers.
“Iwasan gyod nato ang overloading of electrical appliance, octopus connection at the same time atoang mga Christmas lights atoa gyod nga monitoron ug unang-una bago nato gamiton especially kung daan na atoang Christmas lights atong i-check ang mga wirings kung wala bay mga damage,” sumala ni Gillado.
Sukad 2013 wala nay natalang sunog tungod sa Christmas lights dinhi sa dakbayan sa Davao ug kini ang buot ipadayon sa BFP.
Tambag ni Gillado sa publiko nga pilion ang mga DTI approved nga mga Christmas electric decors ug siguraduhon nga adunay kiniy tatak ICC ug ISO.
RadyoMaN Aimee Guinita
