Davao City- Giklaro sa Department of Interior and Local Government Region XI nga dili kinahanglan mag-presenta og Negative RT-PCR test result ang mga essential travelers ug Authorized Persons Outside Residence pasulod og Davao Region.
Gibutyag ni DILG XI Regional Director Alex Roldan, ang unified border control nga gipagula sa Regional Inter Agency Task Force Against COVID-19 giya kini sa mga Local Government Units diha sa pagpatuman sa matag borders ug hiniusang requirements alang sa mga buot musulod sa Region XI.
“Ang intention is to unify the requirements sa mga borders para klaro ang control sa pagsulod ug paggawas without necessarily disrupting the economic activities between regions,” sumala niini.
Matud ni Roldan, ang katong gi-require mag-RT PCR, ang mga non-essential travel o sama sa pagsuroy-suroy lang.
Buot proteksyunan sa RIATF XI ang Davao Region kontra pagkuyanap sa COVID-19 ilabina sa mga travelers nga gikan pa sa mga lugar nga taas ang kaso.
Gibutyag ni Roldan, ang Office of the Civil Defense XI kinsa nangulo sa COVID-19 Task Force, ang gitahasan sa mga Local Government Units aron dungan usab ang implementasyon base sa ipagulang Executive Order sa region-wide border control sa pag-regulate sa movement sa mga tawo pasulod ug pagawas sa rehiyon.
RadyoMaN Aimee Guinita
