DILG-XI: New PNP chief suportado

21

Davao City – Kampante si Alex Roldan, Regional Director sa Department of Interior and Local Government (DILG-XI) nga sakto lang ang pagpili ni Presidente Rodrigo Duterte kang Police Lieutenant General Camilo Cascolan isip bag-ong labaw sa Philippine National Police (PNP) epektibo kagahapong adlawa (September 2, 2020).

Sa interbyu sa DXDC RMN Davao kang Roldan, gibutyag niini nga gawas sa dakong pagsalig sa presidente kang Cascolan, nakita usab sa pangulo ang maayong record ug performace sa opisyal diin naka-serbisyo usab kini kaniadto sa Davao Region Police Office.

“Sa kadako sa imong tahas nga gihatag wala pud kay nailhan pa. Labi nga ang atong Presidente, mayor na diri (sa Davao) sauna, ang iyang nahibaw-an kadto rang niagi sa Davao City o taga Davao Region. Mao na’ng medyo kumportable siya,” segun ni Roldan

Nasayran nga si Cascolan, kanhi Deputy Chief for Administration ug Head sa Administrative Support to COVID-19 Operations Task Force una kini napiling PNP chief hulip kang Police General Archie Gamboa kinsa nagretiro usab kagahapong adlawa.

RadyoMaN Kirby Manzon

Facebook Comments