Survivor: Roxas bombing dili malimtan

15

Davao City – Mitambong ang pipila sa pamilya sa mga biktima sa Roxas Night Market Bombing sa seremonya kagahapong adlawa (September 2, 2020) sa paghinumdom sa panghitabo niadtong September 2, 2016 upat na ka tuig ang nakalabay.

Usa niini si Joel Esportono, taga Mintal, Davao City, masahista, survivor sa trahedya, ang nitambong ug mihalad og pag-ampo sa iyang kabanay nga mipanaw sa insidente lakip na iyang asawa ug anak.

Sa interbyu sa DXDC RMN Davao kang Esportono, gibutyag niini nga bisan og wala na kini gibating trauma, dili gyud niini malimtan ang panghitabo labi na panahon sa anibersaryo sa maong trahedya.

“Wala na man ko na-trauma pero dili lang gihapon mawala sa akong huna-huna (ang panghitabo). Nagpasalamat pud gani ko nga naay ginahimong aktibidad sama aning anniversary diri sa Roxas Night Market nga ginahimo,” saysay niini.

Kagahapong adlawa, gipangunahan ni Archbishop Romulo Valles, ang misa ug seremonya ingon man mitambong si Davao City Mayor Sara Duterte-Carpio sa maong aktibidad.

RadyoMaN Kirby Manzon

Facebook Comments