Davao City – Gikalipay sa Department of Interior and Local Government (DILG)-XI, ang gipakitang suporta sa mga Local Government Unit (LGU) labot sa gipagula nga Regional Border Control Guidelines sa Regional Inter-Agency Task Force (RIATF) ug Regional Task Force (RTF) Against COVID-19.
Atol sa One Davao on COVID-19 Virtul Presser, gibutyag ni DILG-XI Regional Director ug RIATF Chair Alex Roldan, suportado sa mga LGU officials ang maong guidelines diin sagad concern lamang sa nahisgutan mao ang refinement, ug pagpaklaro sa direktiba.
“In fact, ni-support sila (LGUs) niani. Naa lang silay gusto nga i-clarify. Kadaghanan gyod is just for clarification. Probably, this will help them in the implementation sa aktwal na gyod,” segun ni Roldan.
Sa pagkakaron, angay nga magbaton og dayalogo ang RTF tali sa LGUs aron magiyahan ilabi na sa pagpatuman sa guidelines.
Matud sa DILG-XI official, gawas sa Philippine National Police (PNP) ug Armed Forces of the Philippines (AFP) personnel sa border checkpoint, aduna usay LGU personnel nga i-assign nga maoy mopasabot ug magpaklaro sa mga biyahero kabahin sa travel protocols.
RadyoMaN Kirby Manzon
