Davao City- Imbestigahan sa Department of Interior and Local Government (DILG-XI) , ang impormasyon nga adunay mga nisingit sa vaccination sa COVID-19 nga dili mga frontline health workers.
Sa interbyu sa DXDC RMN Davao kang Alex Roldan DILG XI Regional Director, gibutang sa peligro sa giingong mga nagpabakuna nga wala sa priority framework sa Department of Health ang ayuda o donasyon nga mga COVID-19 vaccines sa COVAX facility.
Matud ni Roldan nasayod ang mga Local Chief Executives nga adunay kondisyon nga mga frontliners pa gayod ang unahon sa pagkakaron og bakuna.
“I won’t allow it here sa Region XI nga adunay mga LGU ug mga Chief Executives nga maoy mag-una-una sa pagpabakuna,” sumala ni Roldan.
Mamahimong mag-atubang og kasong administratibo o dismissal sa serbisyo, ang mga malapasong opisyales depende sa mamahimong resulta sa imbestigasyon. Giawhag ni Roldan nga ireport sa ilang buhatan, ang mga nagpabakuna sa COVID-19 nga wala kini sa priority list sa gobyerno.
RadyoMan Aimee Guinita
