DILG-XI: Walay specific design sa face shield

53

Davao City – Fake news nga adunay partikular nga face shield design ang gamiton ilabi na nga himuong mandatory requirements ang pagsu-ot niini sugod sa Agosto 15 tuig 2020.
Sa interbyu sa DXDC RMN Davao kang Alex Roldan, Department of Interior and Local Government (DILG-XI) Regional Director, gibutyag niini nga dili tinuod nga adunay usa ka klase sa face shield nga gi-rekomenda’ng suoton diin dili usab makatarunganon kung adunay i-rekomendang usa ka brand sa maong produkto.


“Naa man goy nanggawas sa Facebook nga dapat kadto daw unya dili ‘tong isa. Dili man na tinuod, fake man na. As long as naay face shield, walay gi-specify kung unsay technical specification (sa face shield),” tataw ni Roldan.

Giklaro ni Roldan nga mamahimo gihapong gamiton ang napalit nga face shield isip proteksyon sa Coronavirus Disease 2019 (COVID-19) partikular na sa pagsakay sa mga Public Utility Vehicles (PUVs) ug sulod sa mga opisina ug establisyemento.

RadyoMaN Kirby Manzon

Facebook Comments