*General Santos City– Gi-angkon ni Relimin Sandoval DILG City Director sa Gensan nga aduna gyuy nahitabong problema sa schedule sa pagpanghatag sa Social Amelioration Program kon SAP.*
*Kini gumikan subay sa plano sa Gensan, molungtad hangtud sa Mayo 15 ang pagpanghatag sa 26 ka barangay apan nagpagawas ug kamanduan ang DILG nga kini tapuson sa Abril 30 apan nangayo ug extension ang Gensan ug gitugutan nga kini kutob Mayo 4.*
*Apan wala matud pa natapos rason nga gi-extend hangtud sa Mayo 7, apan Mayo 6, aduna pay 12 ka mga barangay ang wala naka-distribute sa kwarta rason nga daghan ang mga nag-overtime samtang ang uban, natapos kadlawon na.*
*Dugang pamahayag ni Sandoval nga sa karon adunay laing extension nga gihatag sa Gensan hangtud sa Mayo 10 ug kinahanglan nga matapos na ang pagpanghatag sa 26 ka mga barangay.*
*Samtang ang kwarta matud pa nga wala gidawat sa mga benipisyayo ang ibalik sa trust fund sa DSWD ug kini maoy gamiton alang sa mga i-reconsider nga posibleng mag-qualify isip mga benipisyaryo hilabina nga adunay form sa matag barangay nga apil sa malakip sa SAP ang mga wala nahatagan.*
*Apan giklaro ni Sandoval nga ang maong kantidad ang wala pay kasiguruan kung ihatag subli sa dakbayan sa Gensan.*
