Davao City – Nagpahimangno ang Department of Interior and Local Government sa mga law enforcement units ug mga barangay officials nga dili mupahamtang og silot o penalties ngadto sa mga makalapas sa quarantine.
Subling gipahinumdum ni DILG XI Regional Director Alex Roldan, nga korte ra ang adunay katungod mupahamtang og penalties ug punishments.
Human sa pagkamatay sa usa ka curfew violator nga giingong gipa-pumping og 300 ka higayon sa mga pulis sa Cavite, laing 26-anyos nga lalaki ang nakalapas sa curfew ang namatay human giingong gikulata sa duha ka mga barangay tanods sa Laguna.
Busa matud ni Roldan, kinahanglang ikontrola sa mga awtoridad ang ilahang mga kaugalingon ug musubay gayod sa ilahang mga mandato.
“Ang korte ra gyod ang makahimo kung unsay silot para nimo,” segun niini.
Gipahibalo ni Roldan sa mga tawo nga sa higayon nga makalapas sa balaod ug iduso na kini sa korte mumarka na gyod kini sa ilahang rekord ug integridad.
Matud ni Roldan, makaapekto usab kini sa ilahang pagpangapply og trabaho busa kinahanglan nga magpabakana gayod isip usa ka responsableng indibidwal karon nga nag-atubang kita’g health crisis.
RadyoMaN Aimee Guinita
