Ilado ang luy-a o ginger isip ingridient sa mga putahi. Labi na sa mga Asian ug Indian cuisine. Apan ang luy-a kaniadto pang gigamit alang sa medisina.
Pipila ka mga benefits sa luy-a mao ang pagtabang nga mabalik imong gana sa kaon ug bisan gani sa klase klaseng pain sa lawas makatabang ni para ma-relieve.
Unsa pa kahay laing benefits sa luy-a? Ali atoang hibaw-on. Ang luy-a makatabang alang sa:
SA MAAYONG DIGESTION
Ang luy-a naay phenolic compounds nga mutabang para ma-relieve ang gastrointestinal (GI) irritation, mutabang sad kini para sa pagproduce sa igong amount sa saliva ug bile, ug mutabang para malikayan ang gastric contractions para smooth ang pag-agi sa tubig o pagkaon sa atoang lawas.
Ug ang luy-a pud naay beneficial effects sa atoang pancreas. Ingon pa gane sa ubang experts nga ang pagsige kaon ug luy-a o pag-inum og salabat (gikan sa ginger power) makatabang para ma-prevent ang colon cancer.
SA PAGWAGTANG SA PAGKA-LIPONG
Ang pag-ugom og luy-a o pag-inum og ginger tea maoy common nga paagi para mawala ang pagkalipong ug pagkaluya sa mga cancer patients nga nag-undergo og chemo.
Ang luy-a makatabang pud para ma-reduce ang pagkalipong gumikan sa pagbiyahe. Tabang kini sa mga dagaton apan dili maka-prevent sa pagsuka. Pwede rapud ni maoy tambal sa mga mabdus nga sigeng malipong.
SA PAG-ATO SA SIP-ON UG FLU
Ang ginger tea o salabat makatabang para mainitan ang lawas labi na panahon sa cold weather. Diaphoretic kini. Buot pasabot nga mutabang ni para nga panington ta ug makasinati og warm atoang lawas gikan mismo sa ilawom.
Ang 2-4 slices sa luy-a maayong pabukalan para himoung tea ug dungagan og gamayng honey nga puno sad sa vitamin C para tambal sa sip-on.
SA PAG-ALIM SA SAKIT O PAIN
Labi na sa mga babaye nga nag-dysmenorrhea, makatabang ang pag-inum og salabat para ma-relieve ang kasakit. Naa puy study nga nag-ingun ang kanunayng pagkaon o pag-inum liquid nga anaay luy-a makatabang para malikayan ang muscle pain during exercise o uban pang physical activities.
SA PAGSUGPO SA MGA INFLAMMATORY CONDITIONS
Suma pa sa mga experts nga anaa nay available ginger supplementation nga mapalit para malikayan ang bisan unsang inflammation sa atoang luwas.
There you go mga idol. Hinaot pa nga naa tay gamay’g napupo nga pagtulon-an alang sa atoang HEALTH & BODY karong adlawa, Hulyo 28, 2018. Tinubdan: www.medicalnewstoday.com. Ang featured photo gikan sa web. (Sinulat ni Dj Ali Matok)
