General Santos City–alang sa ALP (Alliance Of Progressive Labor) dili pa panahon alang sa goberno sa Pilipinas nga mag deklara ug total ban sa mga OFW padulong sa kuwait tungod sa mga kaso sa pag pangabuso sa maong lugar sa mga Pilipino nga domestic helper.
Sumala pa ni Herbert Demus ang Secretary General sa APL nga kulang ug trabaho sa Pilipinas alang usab sa mga OFW nga mubalik dinhi sa nasud hinungdan nga musamot matud pa ang kalisud ang mga OFW nga dagku ug kita sa maong lugar.
Dugang pa niini nga dili ang total ban ang tubag sa mga pag pangabuso sa mga OFW sa Kuwait ug mas maayu nga pakusgon sa Pilipinas ang bilateral agreement sa maong nasud aron usab nga mahatagan ug dugang proteksyon ang mga OFW nga nanarbaho sa maong lugar, ingon man dili matud pa ang goberno sa Kuwait ang nang-abuso sa mga OFW kundili ang mga nanimuyo dinhi hinungdan nga mas maayu nga ang goberno sa kuwait ang esturyahon aron sila maghimo ug pamaagi aron nga masilotan ang mga Kuwaiti national nga mangabuso ug trabahante.
Samtang dili usab matud pa preparado ang goberno sa Pilipinas aron nga mahatagan ug trabaho ang mga OFW nga manguli sa Pilipinas. (Dave Silagan
