Davao City- Mag-atubang og silot ang mga madakpang wala nagsul-ob og face masks sa publikong lugar sa Davao City.
Matud ni Councilor Myrna Ortiz, proponent sa Mandatory Face Mask Ordinance of 2020 sa interbyu sa RMN Davao, gipahugtan sa dakbayan ang balaod sa pagsul-ob og face masks aron makontrola ang pagkuyanap sa COVID-19 ug proteksyonan ang katawhan kontra sa makamatay nga balatian.
Ang mga violators adunay multa nga 500 pesos sa 1st offense, 2,000 pesos sa 2nd offense, samtang sa 3rd offense P5,000 and/or 1 month imprisonment.
“We find it proper na himuon gyod nga mandatory with penal provisions para mapatuman pa gayod. Ang bottomline is ang health safety sa tanang lumulopyo sa Davao, kantidad lang man na siya kung pila. Pero once ma-infect ka with the virus pila ang gastuhon sa Davao sa usa ka tawo, o ikaw man nga indibidwal, diha sa imong pamilya kung suspect kana o paghawa nimo sa balay wala nay kaseguruhan kung makabalik ka pa sa inyong balay o makita pa nimo imong pamilya. Maong ipatuman gayod para dili na mokuyanap pa ang COVID-19 virus,” sumala ni Ortiz.
Napasar ang ordinansa niadtong Martes, July 7, 2020 sa regular session sa konseho ug tukion kini sa Executive Department sa City Legal sulod sa 15 diyas una kini hingpit ipatuman.
RadyoMaN Aimee Guinita
