Bukidnon – Gitubag sa Commission on Human Rights kon CHR ang mga kritisismo batok sa ilaha nga nagsibling protector sa mga kriminal.
Sa interview sa RMN Malaybalay ngadto kang CHR Spokesperon Atty. Jacquelene de Guia gibutyag niini nga dili tinood nga protector sila sa kriminal.
Gani matud niya nga kung aduna may mga madakpan nga suspek sa pagpatay, pagpang-rape ug uban pa ilang pasagdan nga mulihok ang kaso batok niini.
Giklaro ni Atty. De Guia nga ang ila lang tutukan ang gi-ingong extra judicial killings o kaha torture tungod kay kinahanglan nga mupatigbabaw ang rule of law.
Siguruhon usab daw nga dili ma-abusaran sa tigpatuman sa balaud ang nahuptang gahom ug kinahanglan nga himoon niini ang public interes ug dili ang personal nga interes.
Subling usab nga gipamugos sa CHR nga gihimo lang nila ang ilang trabaho subay sa nakalatid sa 1987 constitution.
