General Santos City–Gihingusgan karon ni Pahima Tondog Udanding ang Secretary General sa Moro Tondog Clan nga dili sila muhawa sa luna nga sakop sa Buayan Airbase bisan paman nga gidemolish na sila sa local nga pangamhanan sa Gensan human nga gipanag-iyahan matud pa sa Goberno ang nasangpit nga luna.
Sumala pa ni Pahima kabilin sa ilahang mga apohan ang maong yuta hinungdan nga ilaha kining pakigbisogan ug luyo paman nga giguba na ang ilang gitukod nga mga payag, sila magtugod gilayon ug laing kapuy-an sa maong lugar.
Gikwestyon usab niini nag proseso sa pag demolish sa ilang balay gumikan wala matud pa sila gipadad-an ug notice ayha paman gihimo ang demolisyon.
Nasayran nga adlawng Myerkules dihang gipanguba sa demolition team ug mga personahe sa Coty Housing ang mga balay nga gitukod sa lugar human nga naalarma si Gensan City Mayor Ronnel Rivera sa pagsulod sa mga claimants sa luna nga gipanag-iyahan sa syudad. (Dave Silagan)
