Dili na paglugway sa martial law sa Mindanao suportado sa 4th ID ug PNP 10

48

Suportado sa 4th Infantry Division, Philippine Army ug Police Regional Office 10 ang desisyon ni Pangulong Rodrigo Duterte nga dili na lugwayan ang validity sa martial law sa Mindanao nga mahuman karong December 31, ning tuiga.

Sa interview sa RMN DXMB Malaybalay ngadto kang Major Reggie Go, ang Division Public Affairs Office Chief sa 4th ID, gibutyag niini nga suportado nila kung unsa man ang desisyon sa ilang commander in chief.


Matud ni Go nga manageable na usab daw ang dagan sa peace and order ilawom sa ilang area of responsibility.

Gawas niini, adunay mga gipangmugna na usab silang mekanismo aron matuldukan ang problema sa insurhensiya sa rehiyon.

Samtang sa interview sa RMN Malaybalay ngadto kang PNP 10 Regional Spokesperson Police Lt. Col. Mardi Hortillosa nga gibutyag niini nga suportado usab nila ang mao nga desisyon sa Pangulo.

Maayo na usab daw ang kahimtang sa peace and order sa rehiyon 10.

Apan bisan pa man niini, gibutyag ni Hortillosa nga ma naa man o walay martial law dili gihapon sila angayang magkumpiyansa.

Mas maayo usab daw nga kung unsay ilang gihimo nga lakang sa martial law mas pahugtan ug pakusgan pa kini kung wala nay balaod militar aron mapatunhay ang kahapsay ug kalinaw sa tibook rehiyon.

Facebook Comments