Dili pag-istrikto sa ‘No Registration, No Travel Policy’, tabang sa ubang driver

Davao City – Dako og tabang sa ubang driver karong holiday season ang paglu-ag sa pagpatuman sa ‘No registration, No Travel Policy’ rason nga adunay mga driver ug operator nga wala pa nakaparehistro sa ilang mga sakyanan, kini ang reaksyon sa pipila ka mga motorista sa Davao City.

Sa pakighinabi sa DXDC RMN Davao kang Jeymark Arreza, isip delivery rider gisulti niya, mas maayo nga dili sa manakop ang mga personahe sa Land Transportation Office (LTO-Xl), tungod daghan pa ang wala nakaparehistro sa ilang sakyanan karong bulan sa Disyembre 2023.

Giingon usab ni Melchor Cagas, driver, pabor siya nga magrelax sa una sa pagpanakop ang LTO karong panahon sa pasko diin sagad sa mga nadakpan maglisud og bayad sa ilang penalty.

Nahinabi usab sa DXDC RMN Davao si Edmund Belar giingon niya, dili lang luagan sa ahensya, kinahanglan aduna gihapoy pagpanakop sa rason nga ang sakyanan ginagamit sa mga kriminal sa paghimo krimen.

“Ang sa amo safety lang pod kung naa mi mamatikdan batasan sa tao nga basin nga magdala og armas masmaayo naay sakop”,sulti ni Belar.

RadyoMaN Don Pulayao

#TatakRMN