Davao City – Maayo man ang mga Isolation Facility nga anaa sa syudad gawas lamang sa mga Barangay kay ang gigamit mga eskwelahan, ug problema karon kay mo-abutay na ang klase, apan ang mga Local Government Unit (LGU) nagbutang gyud og kaugalingong mga facility.
Sumala ni Department of Interior and Local Government (DILG-XI) Regional Director Alex Roldan, adunay problema sa ubang mga pasilidad sa Barangay tungod kay nagkulang na ang ilang budget. Matud ni Roldan gipangandam usab karon ang pag-abot sa mga locally stranded individuals dinhi sa Region 11 gikan sa Manila.
Gipasabot sa DILG-XI Director, dili gyud mapugngan ang uban nga mobiya sa ilang isolation facility tungod kay gilaay na ilabi na kung walay mga TV o internet sa ilang nahimutangan. Giklaro usab ni Roldan, dili mamahimong butangan og mga gwardiya ang mga isolation facility kay dili man sila piniriso ug makahatag usab kini og ‘psychological problem’ kanila.
RadyoMaN Bernard Pantallon
