Davao City – Dili tanang pobre ang naka benepisyo sa Pantawid Pamilyang Pilipino Program kun 4Ps tungod kay ang uban dili tinuod nga kabus.
Sumala ni Barangay 37-D Barangay Captain Rebecca Diong nga sa iyang Barangay dili niya masiguro nga ang tanang benepisyaryo sa 4Ps mga pobre tungod kay wala sila masayud sa listahan kung kinsa ang anaa niini tungod kay ang Department of Social Welfare and Development kun DSWD maoy naghimo niadtong nakalabay’ng administrasyon.
Dugang ni Kapitan Diong nga sa iyang Barangay, katunga ra ang tinuod nga pobre nga naapil sa 4Ps samtang ang katunga mga dili kabus nga nakapahimulos.
Tungod niini gustong subayon pag-usab ni Kapitan ang talaan aron masayran kung kinsa ang tinuod nga pobre o dili nga anaa sa listahan.
Hinuon giklaro ni Kapitan Diong nga makabatang man ang 4Ps sa katawhan apan mas maayo gyud unta kung mahatagan sila ug kapanginabuhian ug tungod niini gisugyot sa nasangpit nga Kapitan nga ibalik sa Barangay ang pagpahigayon og paglista aron masiguro kay sila mismo ug mga purok leaders nasayud sa mga tawo nga nagpuyo sa ilang lugar kung kinsa ang mga tinuod nga pobre aron maoy hatagan sa 4Ps.
RadyoMaN Bernard Pantallon
